„ TBC x USAID - ტექნოლოგიური განათლებისთვის “ პროგრამა საინფორმაციო ტექნოლოგიებით დაინტერესებულ ადამიანებს გთავაზობთ სრულად დაფინანსებულ ონლაინ საგანმანათლებლო პრაქტიკულ კურსებს სხვადასხვა ICT მიმართულებით. წარმატებულ კურსდამთავრებულებს ეძლევათ შესაძლებლობა დასაქმდნენ თიბისისა და მის პარტნიორ კომპანიებში.

I ეტაპი - პირველ ეტაპზე საჭიროა, შეავსო სასურველი კურსისთვის განკუთვნილი სარეგისტრაციო ფორმა, რომელიც განთავსებულია კურსის შიდა გვერდზე. კურსზე რეგისტრაციის დასრულების შემდეგ დაიწყება შემოსული განცხადებების გადარჩევა.

II ეტაპი - შერჩევის მეორე ეტაპი კურსების მიხედვით განსხვავებულია, ზოგიერთი კურსისთვის მოიცავს პრე-ტესტს, ზოგიერთ კურსზე კი უნარების ტესტს, სადაც მინიმალური ზღვარის გადალახვის შემთხვევაში გადახვალ შერჩევის შემდეგ ეტაპზე.

III ეტაპი - მესამე ეტაპი კურსების მიხედვით განსხვავდება: Advance კურსებზე, სადაც მოითხოვება გარკვეული ტექნიკური ცოდნა, მონაწილეებმა უნდა დაწერონ ტექნიკური ტესტი ცოდნის დონის შესამოწმებლად, ხოლო კურსებზე, სადაც რაიმე ტიპის წინასწარი ცოდნა მოთხოვნილი არ არის უნდა შეასრულოთ ტექნიკური დავალება, რაც თქვენი კვლევისა და თვითსწავლის უნარს ამოწმებს.

IV ეტაპი - შერჩევის ბოლო მეოთხე ეტაპი მოიცავს გასაუბრებას შესარჩევ კომისიასთან. გასაუბრების წარმატებით გავლის შემთხვევაში ჩაირიცხებით კურსზე და გაფორმდება შესაბამისი ხელშეკრულება.